Zindgi Jab Bhi Teri Bazm Me Laati Hai Hamain

Zindgi jab bhi teri bazm mein laati hai hamain
Yeh zamin chaand se behtar nazar aati hai hamain,

Surkh Phoolon se mehak uthti hain dil ki raahen
Din dhale yun teri aawaz bulaati hai hamain,

Yaad teri kabhi dastak kabhi sarogoshi se
Raat ke pichhle pehar roz jagati hai hamain,

Har mulaqat ka anjaam judai kyun hai
Ab to har waqat yahi baat satati hai hamain..