Tum Jis Pay Nazar Dalo Us Dil Ka Khuda Hafiz

Tum Jis Pay Nazar Dalo, Us Dil Ka Khuda Hafiz,
Qaatil Ki Khuda Janay, Bismil Ka Khuda Hafiz,

Aa Jao Jo Mehfil Mein, Ik Jaan Si Aa Jaye,
Uth Jao Jo Mehfil Say, Mehfil Ka Khuda Hafiz,

Sathi Ho Agr Tum Sa, Manzil Ki Tamanna Kya,
Hum Ko To Safar Pyara, Manzil Ka Khuda Hafiz,

Ab Hum Bhi Tumharay Hain, Kashti Bhi Tumhari Hay,
Ab Murr K Na Dekhen Jay, Saahil Ka Khuda Hafiz...