Khizan Key Zard Mosam Main

Khiza'an key zard mosam main
Kisi veraan sey pal ki,
Buhat gehri khamoshi mein,

Thetharti, kapkapaati raat ki aaghosh mein simty,
Kisi be,rfaab lamhy ki yakh basta si tanhae mein,
Kabhi jo mein bikhri yaadon ko samaitna chahon.
Key phir se tum ko dekhna chahon,

Tou dil-e-nada'an ki is masoom si khawhish per,
Yeh aankhein muskuraati hein
Key yeh dard seh na paati hein.

Aur phir
Wo barsaat hoti hy
Jo daman ko bhigoti hy
Buhat baymol hoti hy.