Abhi Tu Ishq Mein Aisa Bhi Haal Hona Hay

Abhi tu ishq mein aisa bhi haal hona hay
K ashk rokna tum sa mahaal hona hay,

Har aik lab per hain mere wafaa k afsanay
Teray sitam ko abhi la-zawaal honaa hay,

Tumhein khabar hi nahin,tum to lot jao ge
Tuhhare hijar mein aik lamha saal hona hay,

Tumari rooh pe jab bhi azaab utrein ge,
Tumhari yaad ko is dil ki dhaal hona hay,

Kabhi to roye ga wo bhi kisi ki bahon mein
Kabhi to uski hansi ko zawaal hona hay,

Mile gi hamko bhi apne naseeb ki khushiyan
Bas intazar hai kab ye kamal hona hay,

Har ek shakhs chalay ga humari raahon par
Muhabaton mein humain wo misaal hona hay,

Zamana jiske kham-o-paich mein ulajh jaye
Humari zaat ko aisa sawal hon hay,

Yaqeen hai mujh ko k wo lot aaye ga
Usay bhi apne kiye ka malaal hona hay.